Och dëst Joer mécht d’Gemeng Helperknapp nees bei der Initiative vu Klima Bündnis Lëtzebuerg an dem Verkéiersbond mat. 

Vum 10. bis den 30. September gëllt et nees KM ze sammelen, vun Zäit zu Zäit op den Auto ze verzichten, an deen Ament ob de Vëlo zréckgräife fir kleng Trajet’en am Alldag zréck ze leeën. 

Zil vun der Initiative ass et och, fir méi ob d’mobilité douce opmierksam ze maachen, an sou d’Politik net nëmme Lokal, mee virun allem och National dozou ze beweege, méi fir d’Verbanne vun den Dierfer mat séchere Vëlosweeër ze maachen. 

Schreift Iech an, an drot sou dozou bäi, datt mir dëst flott Zil gemeinsam kënnen erreechen. 

Als Belounung fir di gefuere Kilometer, erwaart den, den di meeschten Kilometer fir d’Gemeng Helperknapp gesammelt huet, ee klenge Kaddo.