SPORTLERÉIERUNG 2022
Dëst Joer gëtt de Charel GRETHEN, fir säin aussergewéinlecht Resultat bei den Olympesche Summerspiller vun Tokyo, bei der Sportleréierung geéiert.
Fir d’Sportleréierung kënnen z‘organiséieren, maachen d’Gemeng an d’Sportskomissioun Helperknapp en Opruff un Iech alleguer fir déi verdéngschtvoll Sportler/Ekippen ze mellen.
D’Sportleréierung wäert de 7. Mee 2022 um 18:00 Auer an der neier Sportshal zu Bruch stattfannen, wou all individuell Sportler an Ekippe geéiert ginn, déi an der Gemeng wunnen, respektiv hire Sëtz an der Gemeng hunn an déi 2021/2022 en offiziellen, vun enger Federatioun unerkannten Titel kritt hunn, an Ekippen déi Champion gi si respektiv, aus enger Divisioun eropgeklomme sinn!
Gitt Är Umeldungen iwwert de Formulaire wgl. bis spéitstens den 21. Abrëll 2022 op der Gemeng Helperknapp of.
